زي ما هتدخل زي ما هتطلع ..
لو مش فاضي شوف حاجة افيد تقراها
------------------------------------------
Powered By Blogger

الأحد، 25 مارس 2012

سبع سنين ونص من عمرك .. عدوا هوا !!

HTML Online Editor Sample


سبع سنين ونص
من عمرك عدوا هوا
بدور على ملامحك ..
على سنك ..
على طفلة جوا منك ..
يا تري فين شنطتك ..

فين المدرسة اللي بتروحيها
وفين زمايلك ..
يا تري كانوا هيشتكوا من عمايلك
ولا هتكوني أميرة
قاعدة في حالك
جنب منك ابتسامتك ..

فين كتبك .. مش شايفها
مسألتك في الواجب بتاعك
اما تيجلي وتقوليلي
حلهالي .. او ساعدني
عشان ارد بعند
لاء .. مش حالالها

فين لعبك ..
لية مش بتلعبي بيهم
طب حتى اكسريهم
لميهم
وفي دولابك رتبيهم ..

ولا اقولك سيبهم
ع الارض ونامي جنبهم
وانا هتفرج عليكي واضحك
اخدلك صورة .. وبايدي المهم
وأسمي عليكي عشان تنامي
وانام جنبك  ..
 ياما نفسي انام جنبك

في حضنك مش في حضني
عارف صغير .. بس هيسعني
واضمك .. يمكن يوم اصحي
الاقيك واحدة تانية ..
يمكن .. ولو حتى ثانية

واقف على الباب  ..
ملامحك مهياش واضحة
جايز من الكحة
او من زكام مغرقك
بتخيلك ..
هتقولي اسمي ازاي ..
طب كنت هتدعيلي ..
وانا مسافر ..
ولا انا اللي هدعيلك ..
دعوة مسافر ..
وقلبي يحنلها ..

ويدعيلها .. مع انه اتكوى
عشان جواه سؤال
مش لاقيله جواب ..
هو سبع سنين ونص
من عمرها
بالسرعة دي .. عدوا هوا !!

---------------

لاختي شهد .. ربنا يشفيها .. 

هناك تعليقان (2):